ደም መርጋት በዉስጠኛዉ የደም መልስ የደም ስሮቻችን መከሰቱ በምርመራ ከተረጋገጠ ወዲያዉኑ ሃኪሞች መድሃኒት ይሰጣሉ። ይህ መድሃኒት አዲስ ወይም ተጨማሪ ደም መርጋት እንዳይፈጠር የራዉ ደም ደግሞ በመጠኑ እንዳይጨምር ይረዳል። ይህ መጀመሪያ የሚሰጠዉ መድሃኒት በመርፌ አማካኝነት ነዉ። መድሃኒቱም ሄፓሪን ይባላል፣ ይህ መድሃኒት በደምስር መርፌ መልክ ከተሰጠ ሆስፒታል ዉስጥ መቆየት ይኖራል። ከሄፓሪን ዉጪ አዳዲስ የተሰሩ እንደሱ የሚሰሩ በቆዳ ስር የሚሰጡም መድሃኒቶችም አሉ። በመርፌ ከሚሰጠዉም መድሃኒት ጋራ በአፍ የሚወሰድ ዋርፋሪን ወይም ኩማዲን የሚባል ኪኒን ይጀመራል። ይህ በአፍ የሚወሰደዉ መድሃኒት ስራዉን ለመጀመር ጊዜ ስለሚወስድበት በመርፌ አማካኝነት የሚሰጠዉ መድሃኒት ለተወሰኑ ቀናቶች ይቀጥላል።በመርፌ በኩል የሚሰጠዉ መድሃኒት የሚቆመዉ በአፍ የሚወሰደዉ መድሃኒት መስራቱ ከተረጋገጠ ከቀናት በኋላ ነዉ።