ትኩሳት አብዛኛውን ጊዜ በህመም ምክንያት የሰውነትዎ ሙቀት በጊዜያዊነት ሲጨምር የሚከሰት ነው። የትኩሳት መከሰት በሰውነትዎ ውስጥ ያልተለመደ ነገር እንዳለ የሚያሳይ ምልክት ነው። ተቀባይነት ያለዉ የሰዉ አማካይ መደበኛ የሰውነት ሙቀት መጠን 37°C ነዉ። የሰዉነት ሙቀት መጠን ሙሉ ቀን አንድ አይነት ሆኖ አይቆይም፣በህይወትዎ ዘመንዎ ዉስጥም ሁሉ ይለያያል። በቀን ውስጥ የሙቀት መጠንዎ እንዲለዋወጥ የሚያደርጉ አንዳንድ ነገሮች የሚከተሉትን ያካትታሉ:
· ምን ያህል ንቁ እንደሆኑ
· ሙቀቱ በየትኛዉ የቀኑ ሰዓት አንደለተለካ
· እድሜ
· ፆታ
· የበሉትን ወይም የሚጠጡት ነገሮች ሊወስኑት ይችላሉ።
አንድ ሰዉ ተኩሳት አለዉ የሚባለዉ ለአዋቂዎች የአፍ ወይም የብብት ሙቀት መጠን ከ37.6°C (99.7°F) ወይም የፊንጢጣ ወይም የጆሮ ሙቀት ከ38.1°C (100.6°F) በላይ ከሆነ ትኩሳት አለዉ ይባላል።
የህመም ምልክቶች
ትኩሳትዎን በሚያመጣው ላይ በመመስረት ተጨማሪ የትኩሳት ምልክቶች የሚከተሉትን ሊያካትቱ ይችላሉ-
· የሰዉነት ማላብ
· ብርድ ብርድ ማለትና ማንቀጥቀጥ
· የራስ ምታት
· የጡንቻ ላይ ህመም
· የምግብ ፍላጎት ማጣት
· መቅበጥበጥ/መነጫነች
· የሰዉነት ፈሳሽ እጥረት
· መደካከም ናቸዉ።
· እድሚያቸዉ ከ5 ወር እስከ 5 ዓመት ያሉ ህፃናት ትኩሳት ሲኖራቸዉ አንደሚጥለዉ ሰዉ የሰዉነት ማንቀጥቀጥ ሊኖራቸዉ ይችላል
ከትኩሳት በተጨማሪ የሚከተሉት ምልክቶች ካለዎ የህክምና ባልሙያዎን ያማክሩ
· ከፍተኛ የራስ ምታት
· ያልተለመደ የቆዳ ላይ ሽፍታ
· ያልተለመደ ብርሃን ሲያዩ የሚያስቸግርዎ ከሆነ
· የማጅራት መገተር
· በተደጋጋሚ ማስታወክ
· መተንፈስ መቸገር ወይም የደረት ዉጋት
· የሆድ ቁርጠት
· ሽንት ሲሰኙ ህመም መኖር
· መቀባዥር መኖር
· እንደሚጥለዉ ሰዉ ማንቀጥቀጥ ናቸዉ